L'appli smarfône de la s'menn yuka galo gallo bretagne bertegn billigradio

Yuka

L'Apllication semarfone
L'Apllication semarfone
Yuka
/

La boune erive a vous z’aotr den l’apllication semarfone de la s’menn su Billigradio.
Aneit, je vous perpoze ene apllication vra estra qi va vous aider a roucher meillouz é a mettr a qhute la pllanète.

L'appli smarfône de la s'menn yuka galo gallo bretagne bertegn billigradio

L’apllication du jou a nom Yuka. Son imaije, ‘ét ene carote.
L’apllication ét pour de ren meins vous pouvez douner un petit de sou à votr bada.
Alours pourqhi qe j’vous caoze aneit de l’apllication-là.
Permier, c’ét ene idey oriney en France.
Pés, c’ét vra ézë é damain.
E pour abouter, la pllanete é votr corp vont vous ermercier.

I faot just téléfarder l’apllication é scaner le “code-barre” du cai qi fét votr fricot o ben de sti-la de votr savon o core de votr sent-a-bon.
Come de le dire, l’apllication Yuka vous doune la filomie d’o tout le cai qi ét en deden.
Parème, ol vous doune comben qi n-i a de suc’, de së é si qi n-i a des farmaceries. D’o tous les ghiments-là, Yuka doune ene mencion su cent.
A bas de l’afilenjey des ghiments, ol perpoze d’aotrs frigousses parail a sti-la meins d’o ene mencion pus haote.
Les nouris sont étudiës par un laboratouère a son pain gagnant.
En pus d’la, n-i a du nouviao su Yuka. Mézë l’apllication doune un “Eco-score”, ene mencion qi vous montre la caboce su la nature.

Un afutâ vra damain pour le tout-les-jous, n-i a pus q’a téléfarder Yuka é a assayer.
Pour acouter d’ertour la rubriqe la, rendous su l’emplla 3vboudl.billigradio.com den Podcasts.
A bétot pour ene aotr apllication su Billigradio.