On Air

cover art

Dans l'actualité : Den le mitan de la Bertègn

Den le mitan de la Bertègn

Posté par Billigradio le 24 mai, 2019 dans Gallo / Galo

Ol ét oriney du paiz Galo é chemine diq’ao bout de la Bertègn bertonouze. V’avizéy de cai qe je caoze ?

Den son sillaije, n-i a des noms come Montaoban, Saint-Min, Merdrigna, Pllemë, Loudia é pés Mur etou. Mur-de-Bertègn, qi s’ahuche Guerlédan astour ét la vile qi sépare le Paiz Galo du Bro brezhoneg.

A la grande futerie du Mére de la qëmune, nan n-i caoze le Galo parail come le Berton. I sembelle qe sti-la a marchë su de l’oblli rapor a l’istouère de son paiz. Pour ce qi n’ét de la grand route N 164, depés le Jenera De Gaulle, j’ouissons qe la rote la, qi chemine den le mitant de la Bertègn, ét net conseqente. J’avons d’amouère de vaer l’arjent de Paris o ben de la Rejion Bertègn devietter du cotë de la Côte é de micaoder pour le mitant. c’ét un petit come prendr le pot pour mettr den la jatte.

Meins le Préfet de Bertègn é les élizeüs de la Rejion ont abutë ene nouvelle lichette de fezerie pour l’an 2020. N-i ara don 36 nouviaos qhiloumètrs pour mettr meins lein Renes de Loudia. N-i 8 anneys d’ela, en 2011, n’i avaet pas pu d’idéy den les arâz de l’Etat qe de chains qi marcaodent.

Astoure-ci, des chantiers sont menës den le méme temp su maintunes morciaos de la rote-la. N’i ara de pus en pus de traviaos diq’a 2021. Den le Paiz Galo, il ét de fére core les entours de Merdrigna é de Mur.

La menance de cèz les Francèz ne s’entr-tient point raport q-o rencherdi l’essence meins q’o fét des méneries pour les rotes de Bertègn é q-o ne perpoze ren d’aotr qe les autos pour cheminer en Bertègn. Meins ét core une afère pari!.
V’la le bout


Partager cet article :

LGDV : Den le nair de la née
CINEMA – LA BELLE EPOQE
LGDV – LA FILLE A VERCINGETORIX
CINEMA – DOCTOR SLEEP
LGDV – SAMAIN eune féte en Berteigne
CINEMA – LES CHEMINAODS – ACHALEMENT
CINEMA – Shaun Le Qetin
CINEMA – JOKER
Doune-mai des eles (Donne-moi des ailes)
Le Dindon ao cinema